Зулын гол болох хүн байна уу?

"Өлсөх газар"-ыг МАХН-ын байран дотор  бэлдсэн нь

МАХН-ын дарга, ялтан Энхбаярыг суллуулах зорилготой МАХН-ын гишүүн 5 эмэгтэй өлсгөлөн зарлалаа. Таван эмэгтэйн нэг болох Сэлэнгийн Мандал сумаас "өлсөхөөр" ирсэн Б.Чимгээ хэлж байнаа. "Нийгэмд хар дарсан зүүд мэт юу болж байна гэхээр, нэг л өглөө босоод ирэхэд, хар амны хаалт зүүсэн хүмүүс хэн нэгэн хүнийг баривчлаад аваад явдаг дүр зураг харагддаг боллоо. Үүний эсрэг бид тэмцэцгээе." 

Их л муухай хар дарж зүүдэлж дээ зайлуул.  Чимгээгийн хэлээд байгаа шиг юм хаана болоод байгаа юм ? Намынх нь даргыг баривчилсан цагдаагийн сүржин ажиллагаа шөнө болгон зүүдэнд нь харагддаг учраас өдөр бүр л хар масктангууд "хэн нэгнийг" баривчлаад байна гээд бодчихож. Олон тоон дээр шүү. Сэтгэцийн эмчийн хяналтанд орох хэрэгтэй хүн байна даа.

Нэг л их ард түмнээ, Монголчуудаа гэж ярьсан улсууд. 2008 онд хуучин МАХН гэж байхад сонгуулийн дараа 5 хүн нохой шиг буудахад тийм л их ард түмнээ гэдэг юм бол хотод  ирээд өлсөж байхгүй яасан юм?  Аан нээрээ тийм. МАХН-ын гишүүн юм чинь яалаа гэж намынхаа эсрэг өлсөх вэ дээ, тиймээ? Тэр муу буудуулж үхдэг 5 хүн бол АН-ын шаарнууд байсан юм шүү дээ. Хохь нь.

Өлсөгчид Энхбаярыг суллахаас нааш өлсгөлөнгөө зогсоохгүй гэцгээж. Өлсөөд үхсэн ч хамаагүй гэнэ. Ар гэрийхэн нь үхэхийг "зөвшөөрсөн" юм даг уу даа.  Нэгэнт "зөвшөөрлөө" авчихсан юм бол өлсөж үхэж байхаар  нэртэй төртэйхөн үх л дээ. Төвдийн лам нар яадаг билээ? Өөрсдийгөө шатаадаг биз дээ? Ай даа, яг тэрэн шиг зулын гол болчихвол та нар түүхэнд нэрээ мөнхөллөө л гэсэн үг.

Хатан зоригт таван эмэгтэй намынхаа даргын төлөө зулын гол болж байлаа гээд МАХН-ын түүхэнд, бүр Монгол улсын түүх гэдэг номонд бичигдээд дунд сургуулиудад заах нь байна шүү дээ. Аа яа яа яа! Ар гэрийнхэн чинь бахархаад бахархаад барахгүй дээ. Намын нөхөд чинь мөнгө цуглуулж намынхаа байрны өмнө хөшөө ч босгож мэднэ. Тэгвэл тэгээд л од боллоо гэсэн үг! Амьддаа чадаагүй ч үхсэн хойноо "од" болоход яадаг юм, ер нь. "Од" л болж байвал үхсэн амьдын ялгаа юу байна.

Чимгээ та таван хүүхдээ өнчрүүлээд "од" болохоор шийдсэн бол нөгөө дөрвөн өлсөгчтэйгөө  яриад зулын гол болох юмаа  хэрэгжүүлсэн дээр байхаа. Өлсөж муугаа үзэж  байхаар тэр нь шулуухан. Аягүй бол Энхбаяр дарга чинь суллагдчих ч юм бил үү. Хэн мэдлээ.  Нам чинь "арыг чинь даана" гэсэн болохоор  ар гэртээ санаа зоволтгүй биз дээ.  Чимгээ чи шүү! За амжилт!