Адгийн атаархал

Сарнай хүүхдүүдийн хамт

Сүүлийн үед Сарнай гэдэг эмэгтэй Монголчуудын ярианы сэдэв болж хэсэг шуугиад намдаж байх шиг байна. М.Сарнай нь Их нигүүсэл ТББ-ын тэргүүн юм байна. Өнчин, хаягдсан болон орон гэртээ байх боломжгүй 30-аад хүүхдүүдийг орогнуулж асарч халамжилдаг гэж байгаа. Танайд хоноё нэвтрүүлгийн нөхөр хүртэл Сарнайгийнд очиж хоносон. Товчхондоо Монголчуудад танил болсон гэхэд болно. Саяхан Засгийн газрын Хүндэт жуух бичгээр шагнуулсан. Гэтэл гэнэт Сарнай бол адгийн муу хүн байсныг Сувд-эрдэнэ гэгч эмэгтэй илрүүллээ. Хүмүүс мэхлүүлсэндээ уурлаж бухимдав. Ингээд Монголын ард түмэн 2 тал болоод уралцаж эхлэх нь тэр.

Сарнай шагнал авав

Т.Сувд-эрдэнэ

 T.Сувд-эрдэнэ гэж хэн бэ? Тэрээр Итгэл сэтгэлийн гүүр сангийн тэргүүн аж. Энэ сангаараа дамжуулан хүмүүсээс хандив цуглуулж 25 айлыг орон гэртэй болгосон ачтан гэнэ. Сувд-эрдэнэ эхэндээ Сарнайтай хамтарч ажиллаж байсан боловч хэсэг хугацааны дараа ийнхүү тангараг тасарсаны учир юу байв?  Үүний шалтгааныг олж тайлбарлах хэцүү даалгаврыг  биелүүлэх гэж олон хүн нойр хоолоо хугаслаа биз ээ.

 Сувд-эрдэнийн гаргаж тавиад байгаа шалтгаан, нотлох баримтууд (Сарнайгийн эсрэг өгсөн хүмүүсийн яриа) нь үнэмшил муутай, итгэл төрүүлэхээргүй байгаа. Ялангуяа,  "Хүүхдүүд нь ерөөсөө үздэггүй. Байнга дарамталдаг гэсэн" гэж  СХД-ийн 7-р хорооны иргэн Батцэцэг ярьсан нь илт худлаа гэдэг нь Сарнай дээр байгаа хүүхдүүдийн нүүрний баясгалан, нүдний гал цог баталж байна. Хүүхдүүд худлаа хэлэхгүй дээ. Харах царайны илт. Дарамтлуулдаг, өлсгөлөн байдаг хүүхдүүд тэнд инээд хөөртэй байх уу? Насанд хүрсэн жүжигчид л ингэж жүжиглэж чадах байх.

Баяржаргал

Мөн СХД-ийн 24-р хорооны иргэн Баяржаргал гэх эмэгтэйн өгсөн ярилцлагыг Сувд-эрдэнэ нотлох баримтаа болгожээ. Баяржаргал хэлэхдээ, "Сарнай эгч хүмүүсийн өгсөн мөнгөөр архи ууж шоуддаг байсан. Хүүхдүүдийг гөлөг, нохой, пизда... Идсэн идүүрээ угаа..гэж загнадаг. 
7 хоногийн 5-6 өдөр нь шоудаж буудалд явалддаг залуучуудтайгаа наргидаг байсан"  гэжээ.
Энэ хүний үгээр бол Сарнай гэгч нь найгүй архичин, янхан бололтой.

Ингээд эдгээр хүмүүсийн яриаг иш үндэс болгож, Сувд-эрдэнэ гэдэг хүн Сарнайгаас "салахаар" шийдсэнээр барахгүй түүнийг цагдаад өгч шалгуулсан байна. Хүүхдүүдээр бизнес хийж хүмүүсийн хандивласан мөнгийг ашигладаг гэсэн юм байх. Цагдаа болон төрийн холбогдох албаныхан ирээд нөгөө хүүхдүүдийг нь эцэг эхчүүдэд нь буцааж өгсөн байна. Хүүхдүүд дургүйцсэн боловч тэднийг хүчээр авч явжээ. Нэг хүүхдийн ээж нь согтуу ирээд хүүхдээ аваад явж байгаа бичлэг цацагдсаныг хүмүүс үзсэн биз ээ.

Товчхондоо хэлбэл Сувд-эрдэнийн зорилго биелж  Сарнайгийн нэр хүнд уналаа. Хүмүүс эргэлзэж эхэлсэн  байна. Гэвч олон хүмүүсийн хариулт эрж байгаа нэг асуулт бол, Сувд-эрдэнэ яагаад ингэх болов гэдэг асуулт. Уг нь хамтраад л, тэр ч байтугай Сарнай Хүүхдийн Төв байгуулна гэж ярьж, аян өрнүүлж байсан хүмүүс шүү дээ. Миний бодлоор энд ганцхан хариулт байна. Энэ бол Сувд-эрдэнийн атаархал.
Хүүхдүүдийг буруугаар ашиглаж, дарамталж зовоодог байсан нь батлагдаагүй учраас өөр шалтгаан бодоод олохгүй юм. Сарнай  Сувд-эрдэнэд муу юм хийгээгүй. Тэгэхээр атаархлаас өөр юу байх вэ?  Тэгвэл яагаад атаархаад унав аа?

Сарнай өөрөө зовлон үзсэн хүн учраас амьдралд хөлөө олоогүй, ялангуяа хүүхдийг өрөвддөг гэдгээ ярьсан байдаг. Тиймдээ ч хүний өөрийн нийлсэн хүүхдүүдийг тэжээж орогнуулж иржээ. Монголчууд ийм өрөвч, тусархаг сэтгэлтэй хүнд дуртай учраас чадлаараа хандив өгч тусалж эхэлсэн байна. Сарнай  "Танайд хоноё"  нэвтрүүлгээр гарч олонд танил болж ирсэн. Засгийн газрын Өргөмжлөл авлаа.  Харин Сувд-эрдэнэ орхигджээ. Нөгөө кинон дээр гардаг шиг, "Ингээд л миний нэр байдаггүй юм даа"  гэж гомдоллодог баатар шиг юм болохгүй юу.
Үүнээс гадна Сарнайд гэж хаягласан хандив тусламжийг Сувд-эрдэнэ өөртөө ашиглаж байсныг  Дэлгэр гэдэг эмэгтэй  эсэргүүцсэн учраас Сувд-эрдэнэ уурласан гэдэг тайлбар бас явж байна.

Сарнай, Дэлгэр нарыг Цагдаагаар шалгуулах өргөдөл

Сувд-эрдэнэ "Сарнай Хүүхдийн Төв" байгуулах аянг зогсоож байгаа тухай захиандаа яагаад уурласан шалтгаанаа бараг өөрөө хэлчихсэн юм билээ. Тэрээр захиандаа, "Дотор нь байгаа миний  хувьд намайг түлхсэн, явуулах гэсэн санаа илт харагдаж байна" гэж бичсэн байна. Энэ нь Сувд-эрдэнэ яаж атаархаж байсныг нотолж байна. Хүний атаархал гэдэг хэцүү. Ийм зан гаргаж байгаа хүнийг сайн үйлс хийдэг гэж итгэхэд бас хэцүү.  Тийм учраас Сувд-эрдэнэ өөрийнхөө тэргүүлдэг "Итгэл сэтгэлийн гүүр" сангийнхаа далбаан дор зөвхөн нэр хүнд олох гэсэн, гавъяа шагнал горилсон этгээд байжээ гэж хардахад хүргэж байна.  Сайн үйлс гэдэг бол шагнал гавъяа авах гэж хийдэг ажил биш ээ.
Сувд-эрдэнэтэй, эрдэнэгүй Хүүхдийн Төв барих ажил, түүнд туслах хандивын аян үргэлжилж байна. Ядарсан олон хүүхдийн орогнож,хүмүүжих энэ сайхан ордонг босгоход Монголчууд маань дор бүрнээ чадах чинээгээрээ туслах хэрэгтэй байна.  Төр засгийг хараад нэмэр алга. Нөгөө бухын доодохыг харж үнэг турж үхнэ гэдэг шиг юм болно. Өөрсдөө өөрсдийнхөө ирээдүй болсон бяцхан иргэддээ тусалцгаая.