BODON

''Элсэн цаг'' хэлэлцүүлгийг үзлээ. Сэдвийн нэр нь ''УИХ-д бие даагч хэрэгтэй юу?''  Сэдвийнх нь нэр нь жаахан утга ойлгомжгүй гэдгийг эхлээд анзаарлаа. Нэгэнт хуулиараа олгогдсон сонгогдох эрх нь байгаа юм чинь УИХ-д бие даагч хэрэгтэй юу гэж асуух нь тэнэг хэрэг. УИХ-д зөвхөн намуудын нэр дэвшигч л хэрэгтэй гэж байгаа юм шиг хачин сонсогдож байна. Харин  энэ нэвтрүүлгээр бие даагчийн тухай асуудал хөндсөн нь сайшаалтай гэдгийг бас хэлэх хэрэгтэй. Ингээд уг нэвтрүүлгээр ярьсан хүмүүсийн үзэл бодол, хэлсэн үгтэй холбоотой өөрийн байр сууриа энд илэрхийллээ. 2020 оны УИХ-ын сонгуульд 208 бие даагч оролцож байгаа юм байна. АН-ын Үндэсний бодлогын хорооны гишүүн Б.Энхболд гэгчийн хэлж байгаагаар Парламентын сонгууль гэдэг бол ерөөсөө л намаар дамждаг юм гэнэ. Нам л чухал, бие даагч бол чухал биш бололтой. Аргагүй л дээ. Намын дарангуйлал бүхий Парламентын засаглалыг 30 жил хэрэгжүүлээд амтанд нь орчихсон юм чинь. Б.ЭНХБОЛД (АН) Уг нь Парламент...

Корона вирус Монгол Улсын Ерөнхийлөгч Х.Баттулга 2020 оны УИХ-ын сонгуулийг хойшлуулах санал гаргаж, УИХ-ын чуулганы нээлт дээр үг хэлэхдээ уриалж байсан билээ. Энэ бол 4 сарын 7 -нд болсон явдал. Гол шалтгаан нь КОВИД-19 цар тахалтай холбоотой. Тэр үед дэлхийд нийт өвчилсөн хүний тоо НЭГ сая гарч, нас барсан хүний тоо 70 мянга хүрлээ гэж хэлж байсан бол өнөөдөр буюу 2020 оны 6 сарын 8 өдрийн өглөөний 8 цагийн (УБ цагаар) байдлаар 7 сая хүн (7081593) өвчилж, нас барагсадын тоо 405 мянга гараад явж байна (405074). Монголд нийт 193 өвчилсөнөөс одоогоор 118 хүн эмчлүүлж байгаа юм байна. Эмнэлгээс эдгэрсэн оноштой гарсан 75 хүн байна. Тэнгэрийн авралаар нас барсан хүн гараагүй бөгөөд энэ бол Корона вирустэй ана мана үзэлцэж байгаа манай эмч сувилагч нарын хичээл зүтгэлийн үр дүн юм. Тэр хүмүүстээ Монголын ард түмэн их талархаж байгаа шүү! Миний хамгийн их санаа зовоож байгаа зүйл бол вирусын халдварыг дотроо алдах аюултай байдал үүссэн явдал! Магадгүй бид аль хэдийн алдчихс...

Гадаадад ажиллаж амьдардаг Монголчуудын тоо 2017 оны 1 сарын байдлаар 144 мянга гэсэн мэдээлэл Гадаад Хэргийн Яамнаас гаргаж байжээ. Өнөөдөр 2020 он. Энэ тоо одоо хэд болсоныг олж мэдэж чадсангүй. Харин Статистикийн газрын сүүлийн үеийн мэдээг харж байхад нэг сонин баримт оллоо. 2019 онд гадаад руу гарсан иргэдийн тухай тоон мэдээлэл байна. 2019 онд нийтдээ 2 сая 415 мянган Монгол хилийн дээс алхаж гадагшаа гарсан байна. Үүнээс 337 мянга нь Буянт Ухаагаар (агаараар) хил давсан бол үлдсэн нь газраар гарчээ.  Газраар гэдэгт мэдээж галт тэрэг (Алтанбулаг, Замын Үүд) болон автомашины (20 боомтоор) тээвэр орно. Газраар явж байгаа нь нэг их хол яваагүй биз ээ. Хойшоогоо Орос, урагшаагаа Хятад л орсон байх. Хол яваагүй юм чинь дийлэнх нь буцаж ирцгээсэн гэсэн үг. Мэдээж зарим нь Орост юм уу Хятадад үлдсэн л байгаа,гэвч олонхи нь эргэж ирсэн байх ёстой. Хэрэв тийм биш бол Монголд бараг хүн үлдэхгүй байх байсан биз. Харин агаараар гадагшилсан иргэд маань  албаны ажлаар яваа цө...

У.Хүрэлсүх (МАН-ын дарга, Ерөнхий сайд) У.Хүрэлсүхийн засгийн газар дүнгээ тавиулах цаг ойртсоор. Эрх баригч МАН өнгөрсөн 4 жилд сайн засаглаж чадав уу гэдэг асуулт тавигдана биз?  Намчирхаж сүржигнэлгүйгээр, төвийг сахисан байр сууринаас дээрх асуултанд хариулах хэрэгтэй. Тэгж байж таны сонголт зөв хийгдэнэ. Харин намчирхаж асуудалд хандвал бодитой дүгнэлт хийж чадахгүй нь тодорхой. Би ч энэ удаа төвийг сахисан байр сууринаас хандана. Өмнө нь ч аль болохоор шударга хандахыг хичээж ирсэн гэж бодож байна.  Асуултаа дахиад тавъя: Эрх баригч МАН ажлаа сайн хийж чадсан уу? Миний хариулт: Харамсалтай нь үгүй юм аа.  Яагаад? За МАН-ын амлалтыг эхлээд сонирхоё: 1.  Иргэдээ ядуурлаас аварна. Иргэдээ ядуурлаас аварч чадсангүй ээ. Ер нь жилийн жилд л ингэж амладаг. Ард түмний 30% ядуу гэдэг статистикийн мэдээ үүнийг нотолно. 2.  Эдийн засгаа хямралаас гаргана. 2012-2016 онд засгийн эрх барьж байсан АН-ын засгийн газрын авсан санхүүгийн арга хэмжээни...