Тэнэг зөвлөхүүд Монгол төрийг нүдний булай болгожээ

Чингис хаан хамтлагийн гишүүн Вольфганг Хайхел

Герман улсын Чингис хаан хэмээх хамтлаг Монголд ирж концерт тоглох юм гэнэ. Саяхан энэ хамтлагийн гишүүн Вольфганг Хайхел Монголд ирсэн байна. Манайхан хөл алдаж. Ерөнхийлөгч маань Найрамдал медалиар шагнах зарлиг гаргаж, Ерөнхий сайд маань биечлен хүлээн авч уулзаад бэлэг гардуулжээ. Арай л УИХ-ын индэр дээрээс үг хэлүүлсэнгүй.

Энэ хамтлагийн дуунд дуртай, сонсох, бүжиглэх дуртай Монголчуудаа буруутгахгүй ээ. Дуунуудынх нь ая, хэмнэл нь үнэхээр дажгүй хийгдсэн учраас дисконы хит болж чадсан нь үнэн.  Мэдээж герман хэл гадарладаг хүмүүс Чингис хаан гэдэг дууны үг нь зөөлнөөр хэлэхэд жаахан хэтрүүлэгтэй, хатуухан хэлбэл бага зэрэг доромжилсон гэх юм уу, тавласан гэх юм уу, аястай гэдгийг мэдэж байгаа. Харин герман хэл мэддэггүй хүмүүс бол юугаа мэдэх вэ дээ.

Хөгжимд дуртай хүмүүс яахав даа, аялгууны сайханд уяраад л, үгийн утгыг нь чухалд үзэлгүй танц гишгэж байдаг. Харин төр засгийн хэмжээнд хүлээж авч уулзаад, шагнал өгөөд байдаг нь инээдтэй биш гэж үү?

Чингис хаан гэдэг дууны үгийг махчлаад буюу яг үгийнх нь утгаар орчуулаад Фэйсбүүк дээр тавьсан байсан. Харин зарим нэг нь уянгын халилтай орчуулга сөргүүлж тавьсан харагдсан. Үнэнээр нь мэдээд авчихад юу нь болохгүй байгаа юм?
Доорхи бадагуудад тод хараар тэмдэглэсэн мөрүүдийг  жаахан доромж аястай бичигдсэн гэж хэлээд байгаа юм.
Үгчилбэл юу гэсэн утга илэрхийлж байгааг сонирхоё.
Эхний 3 мөрөнд ингэж бичсэн байна:
- Өөртөө таалагдсан хүүхэн болгоныг майхандаа авч ордог байсан
Түүнийг таалдаггүй  хүүхэн дэлхий дээр байгаагүй гэлцэнэ
Тэрээр нэг шөнийн дотор 7 хүүхэд "хийдэг" байжээ

Дараагийн бадагт байгаа хараар тодруулсан 3 мөрийг орчуулая:
- Босоцгооё, согтуурцгаая, нанчилдая
Дахиад архи авчруулаач
Бид чинь Монголчууд шүү дээ

Чингис хаан дууны үг (герман хэл дээр)

Sie ritten um die Wette mit dem Steppenwind, tausend Mann (Ha, Hu, Ha)
Und einer ritt voran, dem folgten alle blind, Dschingis Khan (Ha, Hu, Ha) Die Hufe ihrer Pferde durch peitschten den Sand Sie trugen Angst und Schrecken in jedes Land Und weder Blitz noch Donner hielt sie auf (Hu, Ha) Dsching, Dsching, Dschingis Khan He Reiter - Ho Reiter - He Reiter - Immer weiter! Dsching, Dsching, Dschingis Khan Auf Brüder! - Sauft Brüder! - Rauft Brüder! - Immer wieder! Lasst noch Wodka holen (Ho, Ho, Ho, Ho) Denn wir sind Mongolen (Ha, Ha, Ha, Ha) Und der Teufel kriegt uns früh genug! Dsching, Dsching, Dschingis Khan He Reiter - Ho Reiter - He Reiter - Immer weiter! Dsching, Dsching, Dschingis Khan He Männer - Ho Männer - Tanzt Männer - So wie immer! Und man hört ihn lachen (Ho, Ho, Ho, Ho) Immer lauter lachen (Ha, Ha, Ha, Ha) Und er leert den Krug in einem Zug Und jedes Weib, das ihm gefiel, das nahm er sich in sein Zelt (Ha, Hu, Ha) Es hieß, die Frau, die ihn nicht liebte, gab es nicht auf der Welt (Ha, Hu, Ha) Er zeugte sieben Kinder in einer Nacht Und über seine Feinde hat er nur gelacht Denn seiner Kraft konnt keiner widerstehen (Hu, Ha) Dsching, Dsching, Dschingis Khan He Reiter - Ho Reiter - He Reiter - Immer weiter! Dsching, Dsching, Dschingis Khan Auf Brüder! - Sauft Brüder! - Rauft Brüder! - Immer wieder! Lasst noch Wodka holen (Ho, Ho, Ho, Ho) Denn wir sind Mongolen (Ha, Ha, Ha, Ha) Und der Teufel kriegt uns früh genug! Dsching, Dsching, Dschingis Khan He Reiter - Ho Reiter - He Reiter - Immer weiter! Dsching, Dsching, Dschingis Khan He Männer - Ho Männer - Tanzt Männer - So wie immer! Und man hört ihn lachen (Ho, Ho, Ho, Ho) Immer lauter lachen (Ha, Ha, Ha, Ha) Und er leert den Krug in einem Zug (Ha, Hu, Ha, Hu

За тэгээд өөр өөрийнхөөрөө ойлгоцгооно биз дээ. "Сайн талаас" нь ойлгож байгаа хүмүүс Монголчууд бид чинь архи сайн даадаг , дараа нь сайхан нанчилддаг мундаг улс гэж бахархаж байгаа байх. Мөн эзэн Чингис хаан маань бэлгийн чалх аймаар сайтай байсан учраас шөнө болгон муусайн хүүхнүүдийг олноор нь угсруулдаг байсан нь бас нэгэн гайхамшиг гэж биширч байгаа биз. Сексийн донтой хааныхаа ачаар бид өнөөдөр Чингисийн цустай хүмүүсийг дэлхийгээр нэг тархсаныг харж байна. Хүн болгон шахуу л Чингис хаантай садан төрөл болох гээд гений шинжилгээ хийлгэх гэдэг болж.

"Муу талаас" нь ойлгож байгаа мань мэт нь энэ хамтлагтай (дууны үгийг зохиогчтой ч юм уу) заргалдах санаа зорилго агуулсангүй. Харин Монголын төр засаг жижигрээд байгаад л жаахан дургүй хүрээд байна. Ийм дуу дуулсаны төлөө шагнаад байдаг нь эмгэнэл юм даа. Бас наадам энэ тэр дээр дуулуулна ч гэх шиг. Төр засгийн удирдлагууд мэдэхгүй байж болох боловч тэд нарын зөвлөхүүд гэж ямар дүүрчихсэн тэнэгүүд байдаг юм бол гэж гайхаж сууна.